پنجشنبه, ۱۱ ربیع الثانی ۱۴۴۲هـ| ۲۰۲۰/۱۱/۲۶م
ساعت: مدینه منوره
Menu
القائمة الرئيسية
القائمة الرئيسية

ډېره ژړا او لږ خندا د مومن صفت دی!

 سعید بن مسیب د حدیث د سند په ذکر کولو سره روایت کوي چې ابو هریره رضی الله عنه وویل: رسول الله صلی الله علیه وسلم وفرمایل:

«لَوْ تَعْلَمُونَ مَا أَعْلَمُ لَضَحِكْتُمْ قَلِيلاً وَلَبَكَيْتُمْ كَثِيرًا» (سنن الترمذی)

ژباړه: که په هغه څه چې زه پوهیږم، تاسو پوهېدلای، لږ به مو خندلای او ډېر به مو ژړلای!

د حدیث توضیح:

له علم څخه مراد هغه څه چې الله سبحانه وتعالی ته اړوند دي او له هغه چا غچ اخیستل دي چې د الله سبحانه وتعالی نافرماني کوي او له ډار څخه مراد هغه څه دي چې د نزع، د مرګ په حالت، په قبر کې او د قیامت په ورځ پېښېږي. په دغو حالتونو کې ډېره ژړا او لږ خند مناسب حالت دی.

همدارنګه دا هم معلومه ده چې د دغه حدیث موخه وېرول دي او په حدیث کې یې طبراني سبب داسې ذکر کړی: له ابن عمر څخه روایت دی چې رسول الله صلی الله علیه وسلم د مسجد لور ته روان و، ناڅاپه یې پر یوې ډلې سترګې ولګېدې چې خبرې کوي او خاندي، و یې فرمایل: په هغه ذات قسم چې زما نفس یې په واک کې دی او وروسته یې همدا حدیث بیان کړ. څخه حسن بصري څخه روایت دی چې وایي: هر څوک باید پوه شې چي مرګ ورته راتلونکی دی، قیامت یې تمځای او د الله سبحانه وتعالی په حضور کې دریدل یې په مخ کې دي، نو هغه ته ښایي چې په دنیا کې غمجن واوسي.»

کرماني ویلې: په دغه حدیث کې د بدیع صنعت کارول شوی؛ د خندا پر وړاندې ژړا، د لږوالي پر وړاندې ډېروالی او دواړو یو بل ته مطابقت.

شک نه شته چې موضوع ډېره خطرناکه ده؛ ځکه د قیامت د ورځې وېره او وار خطایي ډېره لویه او عظیمه ده! ځکه خو اړتیا ده چې په تفصیل سره بیان شي، په داسې حال کې چې نن مسلمانان ډېر لږ دغسې چارو ته فکر کوي او هېڅ شک نشته چې مسلمانان نن تر ډېره په داسې څیزونو مصروف دي چې هېڅ عاقل باید دومره په عمیق ډول په دغو څیزونو اخته نه شي. د هغې له جملې څخه د فوټبال په سیالیو مصروفه کېدل یادولی شو، چې کم شخصیته کسان لکه د سرکښه اوښې په څېر د لوبو په میدان کې یو او بل لور ته ځغلي او نور خلک ترې خوند اخلي. خپل ارزښتناکه وخت پرې ضایع کوي او د دغو لوبغاړو په نومونو ویاړي! د دغو لوبو په کنترول، څارنې او روزنې او د پردیو لباسونو کارول او د شریعت خلاف د همدغو لوبو د ترانو په ږغولو او د ممثلینو تربیه کولو، چې د دین څخه بې پروا هنرمندان دي، ستایي او عزت یې کوي. پرته له دې چې د نړۍ د ژوند په ارزښتونو او د اخرت د حساب په هکله فکر وکړي.

که مسلمانان د غیبو او اخرت  په هکله د رسول الله صلی الله علیه وسلم په څېر پوهیدلای، حتما به یې لږ خندل او ډېر به یې ژړل. که مسلمانان د غیب او اخرت په اړه پوهېدلای، هېڅ کله به یې خپل ژوند د دنیا چارو ته نه وقف کاوه او هېڅ کله به یې په دې بوخته نړۍ کې د ښایسته ماڼیو په جوړولو او د لوړ ماډلو موټرونو په سورلیو ویاړ نه کاوه.

که مسلمانان د غیب او اخرت د اوامرو په اړه پوهېدلای، هېڅ کله به یې د لوړ لګښت ودونو او مال را ټولولو ته زړه نه وای ښه کړی. که مسلمانان د غیب او اخرت په اړه پوهېدلای، هره شېبه به یې د مسلمانانو پر حالت غم او افسوس کولای او د مسلمانانو د ماشومانو په ژړا، ښځو او سپین ږیرو به یې زړه خوږېدلی.

که مسلمانان د غیب او اخرت د اوامرو په اړه پوهیدلای، هره لحظه به یې د کافر غرب ښامار له خولې څخه د امت د نجات په اړه فکر کولای، چې شپه او ورځ په دې هڅه کې دی چې امت په فکري او فرهنګي څاه کې غرق کړي.

که مسلمانان د غیب او اخرت د اوامرو په اړه پوهېدلای، هېڅ کله به یې د اسلام د عظمت د بیا را ستنېدو یعنې د نبوت پر منهج د خلافت له بیا اعاده کونکو څخه مرسته او همکاري نه وای سپمولې.

اې ربه! مسلمانانو ته پوهاوی او علم ور په برخه کړه، ترڅو هغو چارو ته پام وکړي چې د الله سبحانه وتعالی له لوري پرې فرض شوي دي!

د مطلب ادامه...

د دیني چارو له وزیر سره د لیدنې په اړه

  • خپور شوی په تونس

د حزب التحریرـ ولایه تونس یو پلاوي د ۲۰۲۰م کال، د نومبر پر ۱۰مه، چې د سیاسي دفتر پر مشر سربېره، د اړیکو د کمېټې مشر استاد یاسین بن یحیی او محمد الحبیب الحجاجي، چې د اړیکو د کمېټې غړی دی، د دیني چارو له وزیر ښاغلي احمد ادهم سره د هغه د وزارت په دفتر کې وکتل. د مسجدونو د تړلو او د حزب د دریځ په اړه ورسره بحث وشو. د حزب پلاوي د دغه عمل پر وړاندې وزیر مسوول وباله، چې د شرعي احکامو خلاف عمل یې کړی او غږ یې پرې وکړ چې دغه مل ته ژر تر ژره د پای ټکی کېږدي. د حزب پلاوي د حزب له غوښتنو سره د وزیر تعامل یاداشت کړ، هغه چمتووالی وښود چې په راتلونکې پارلماني ناسته کې، چې د نومبر پر ۱۵مه تر سره کېږي، دا مسله مطرح کړي.  

د حزب التحریرـ ولایه تونس مطبوعاتي دفتر

 

د مطلب ادامه...

اې ځوانانو او اې هغو کسانو چې بدلون ستاسو په لاس کې دی؛ د غیرت ملاوې وتړئ او میدان ته ودانګئ!

  • خپور شوی په سیاسي

(ژباړه)

نن ورځ په اسلامي خاور کې د امت ټوله هیله ګوندونو ته ده. ځکه ګوندونه نن ورځ د خوځېدو او نشاط په حالت کې دي او تل د واکمن جنایت کوونکي رژیم له لوري پر هغوی ظلم، زیاتی او د هغوی له لوري ځورول کېږي. واکمنو حکومتونو د غرب په مرسته وکولای شول چې ګوندونه او انقلابونه مهار کړي. پر همدغه اساس، اوسنی ناوړه حالت د بدلون هیله لري او د لومړني ګوند په تمه دی چې هغه جنبش به خلک له اوسنیو ظلمونو، ځورونو او بدبختۍ څخه وژغوري.

د امت واقعیت داسې دی چې ځني عقاید، مفاهېم او احساسات اوس هم د اسلام پر اساس دي او ټولیز روح یې پر هغه متمرکز دی. په اسلامي خاورو کې واکم فساد، غبن او بې عدالتي د اسلامي امت په ذهنونو کې د بدلون رامنځته کېدو لامل شوي دي. ځوانانو  د جبر او ظلم پر وړاندې پخپل مقاومت سره ثابته کړې چې د بدلون لپاره په کافي اندازه ځواک لري؛ که د امت فکر او احساسات خپل حالت ته پرېښودل شي او له منځه ولاړ نه شي، د وخت په تېرېدو سره به په سیي فکر بدل شي او دغه فکر د امت د ویښېدو لامل کېږي او خپل حالت بدلوي.

څو لسیزې وړاندې حتا د بدلون لپاره فکر کول په عام او ځانګړي نظر بد شمېرل کېدل او هغه سیاسي برنامې چې حزبونو د تغیر لپاره له ځان سره دلودې، وړتیا، صداقت او جذابیت ته له کتو پرته د ځمکې پر مخ د بدلون لپاره د تحقق وړ نه بلل کېدې.

دا هڅې د خلکو په نظر چې ناهیلي یې درک کړې وه، له خیال پرته بل څه نه بلل کېدې او هغه نسلونه چې ستر شوي دي، واقعیت یې داسې دی چې د نجونو غوندې بې مېړه په کور کې پاتې شي، د فرعون د سرتېرو په سپکاوي او غلامۍ کې بند پاتې شوي او د یاد حالت د بدلون لپاره یې هیلې له لاسه ورکړې دي.

دا د بدلون لپاره یو سیاسي پیاوړی واقعیت دی چې ترسره کوي یې؛ خو په تاریخ کې له داسې واقعیت سره نه وو مخ شوي. ځکه دغه خنډونه د سیمه‌ییزو بانډونو واکمنې شبکې او سیمه‌ییز ایتلافي بانډونه دي چې په سیمه کې د واکمن رژیم ګټې خوندي کوي او یاد بانډونه د خلکو په چپ کولو کې له وزیرانو سره له مرستې پرته په هېڅ کار کې بریالي نه وو.

پر همدغه اساس، د حیرانتیا ځای نه دی چې د دغه انقلاب لومړني مخکښان په ځوان نسل پورې اړه ولري، چې تازه یې دې نړۍ ته سترګې غړولې وې او واکمن بانډونه کولای شول چې د دغه نسل پر روح نفوذ وکړي. همدارنګه دغه ځوان نسل له خپلو پلارانو نه ژر په میدان کې راټیټ شو او د غوسې او غضب چیغې یې وهلې.

دغه جنبش د الکترونیکي شبکو له لارې د واکمن بانډ تر اوباشو او ځپونکو ژر پر واټونو نفوذ وکړ، په داسې حال کې چې واکمن بانډ لسګونه کاله کېږي د خلکو د ځپلو او د هغوی د غږ چوپولو لپاره هڅې کوي. دا پېښه د جنوري پر ۲۵مه رامنځته شوه؛ خو د نظامونو وحشت او ظلم په شتون سره یو ځل بیا ځوانانو خپله کرکه او نفرت تکرار کړ او ویې نه شوکولای چې د دویم ځل لپاره سل وهمونه مات کړي، څو رژیم ته ثابته کړي چې تصمیمونو ته یې غاړه نه ږدي. د رژیم د واکمنۍ د ورځو شمېر محدود شوی او دغه سهار به ډېر ژر ووینو.

که په مکه مکرمه کې د اسلامي دعوت پیل او په مدینه کې د هغه تاسیس ته وګورو، پیدا کوو چې ډېری کسانو چې د هغه دولت په تاسیس کې یې رول درلود، ځوانان وو او عمرونه یې د لسو او ۳۰ کلونو تر منځ وو، لکه حضرت علي رضي الله عنه او همدارنګه عمر بلال بن رباح او عمار بن یاسر رضي الله عنهما. دغو ځوانانو دعوت پخپلو اوږو ولېږداوه او هغه ته یې پراختیا ورکړه، چې په پایله کې بریالي شول او په یو منظم بنسټ بدل شول. په واقعیت کې د هغه ارزښت زرګونه چنده شمېرل کېږي. څنګه چې قران کریم ځوان نسل « ذُرِّیّه» تعبیر کړی او الله سبحانه وتعالی د هغو کسانو په حق کې چې پر سیدنا موسی علیه السلام یې ایمان راوړی، فرمایي:

﴿فَمَا آمَنَ لِمُوسَى إِلَّا ذُرِّيَّةٌ مِّن قَوْمِهِ عَلَى خَوْفٍ مِّن فِرْعَوْنَ وَمَلَئِهِمْ أَن يَفْتِنَهُمْ وَإِنَّ فِرْعَوْنَ لَعَالٍ فِي الْأَرْضِ وَإِنَّهُ لَمِنَ الْمُسْرِفِينَ﴾ [يونس: 83]

ژباړه: د هغه د قوم له ځینو کسانو پرته، نورو پر موسی ایمان رانه وړ. له فرعون او د هغه له پلویانو څخه د ډار له امله چې ګواکي هغوی به یې شکنجه کړي، ځکه فرعون په هغه خاوره کې سرغړونکی و.

څنګه چې ذُرِّیه د ابن کثیر په تفسیر کې د ځوانانو په مانا راغلی دی او د عربي ژبې په ویپانګو کې ذُرِّیه د انسان د نسل او بچیانو په مانا راغلی دی. دې ته په کتو چې ځوانان د تاریخ په اوږدو کې له فساد او استبداد سره مخ شوي دي. مستبدین او مفسدین (فرعون او هغه ته ورته نور) د ځوانانو د قتل او وژنو په برخه کې بشپړ حرص لري. الله سبحانه وتعالی فرمایي:

﴿إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعاً يَسْتَضْعِفُ طَائِفَةً مِّنْهُمْ يُذَبِّحُ أَبْنَاءَهُمْ وَيَسْتَحْيِي نِسَاءَهُمْ إِنَّهُ كَانَ مِنَ الْمُفْسِدِينَ﴾. [قصص: 4]

ژباړه: له شک پرته چې فرعون په هغه ځمکه کې تکبر وکړ، خلک یې ډلې ډلې کړل، ځینې ډلې یې  کمزورې کولې، د زامنو سرونه به یې ترې غوڅول، نجونې یې ژوندۍ ساتلې، له شک پرته چې هغه د فاسدینو له ډلې و.

همدارنګه ډېری هغه کسان چې د جنایت کوونکي رژیم له خوا زموږ په خاورو کې تورن شوي دي، له نیوونې، ځورونې او وژنو سره مخ شوي دي. دا ځوان نسل دی. د بدلون په برخه کې ځوان نسل مهم عامل بلل کېږي چې د بدلون اصلي تکیه او د ټولنې په وده کې د انرژۍ سرچینه ده. له همدې امله دغه ځوان نسل د فاسدو رژیمونو هدف ګرځېدلی دی. هغوی غواړي چې په ویجاړۍ، له اسلام څخه په لېرې والي او د جهالت په ترویج سره ځوانانو ته دوکه ورکړي.

نو د حیرانتیا ځای نه دی چې نن ځوانان حیران معلومېږي چې ځینې یې یوازیتوب غوره کړی دی او ځینې نور چې منحرف شوي، غیراسلامي افکار یې اخیستې دي؟ دغه منحرف شوي کسان د هغوی پر وړاندې چې له فساد سره مبارزه کوي، سخت دریځ نیسي. پر دې سربېره چې تر اوسه بدلون ته د ځوانانو غاړه ټیټېږي او له اوسني تپل شوي حالت څخه د غوره حالت په لټه کې دي. د رژیمونو تر منځ اوسنۍ جګړه او د بدلون عوامل دا دي چې ځوانان خپلو لیکو ته دننه کړي، ځکه ځوانان د بدلون ځواک او د هغه جوړېدونکي عناصر دي. د لاندې ځانګړنو پر اساس، د بدلون ځواک او د ټولنې د تحول پېژندل کېږي.

۱. ځوانان د ټولنې تر ټولو لوړه طبقه بلل کېږي، په دې مانا چې د هغوی د بدولن بهیر د رژیمونو په محدودیتونو کې نه درېږي. سیاسي حزب، چې د بدلون په لټه کې دی، باید د ځوانانو وړتیا او استعداد ته په کاري لومړیتوبونو کې ځای ورکړي او له هغوی څخه د ټولنې په بدلون کې ګټه واخلي.

۲. ځوانان تر ډېره بدلون منونکي دي. دا په سیاسي نړۍ کې د رهبرۍ ځانګړی حقیقت دی، چې نړۍ متحرکه او د بدلون په حال کې ده. نو له همدې امله، موږ د ماتې خوړولو نظامونو شاهدان یو چې د ځوانانو پر وړتیاوو او استعدادونو لوبې کوي او هڅه کوي چې ځوانان په تړلې کړۍ کې وساتي، څو هغوی د ټولنې پر واقعیت پوه نه شي او هغه څه چې باید ترسره یې کړي، د هغوی مخه ونیسي.

۳. د یوې فوق العاده انرژۍ لپاره یو فکر په حرکت او پرمختګ کې دی. ځوانان د سیاسي موضوعاتو د تفاعل لپاره لېوال دي چې د دوامداره پرمختګ تضمین څرګندوي. په داسې حال کې چې سیاسي خوځښتونه دا نوښت نه لري او هغو په مرګ ګواښي.

۴. کله چې د ځوانانو له پوهې او خوښۍ پر ته یو څه وبښل شي.

۵. ځوانان د ټولنې مهم قوت او همدارنګه د بشري ټولنې په رهبرۍ کې مهمه برخه ده او د جدي او هڅاند سیاسي حزب په تر لاسه کولو سره د بدلون لپاره چمتو دي.

۶. ځواني د ځوانمردۍ او قوت عنوان دی، دا دوې ځانګړنې د سیاسي کارونو لپاره مهم لوازم دي. هغه حزب چې ځوانان پخپلو لیکو کې ځای پر ځای نه کړي، د وخت په تېرېدو سره به په کمزوري او زاړه حزب بدل شي.

په داسې حال کې چې نوی حزب د ځوانانو په وینې په ټولو برخو کې نوی کېږي، خپل ځوانان ساتي او دا چې موږ سخت بنسټیز بدلون ته اړتیا لرو، نه داسې بڼه چې یوازې څېرې بدلې شي او سیستم او نظام بدل نه شي؛ پر موږ واجبه ده چې د ځوانانو ساتنه وکړو، ځکه چې هغوی د بدلون فریښتې دي. څنګه چې تر ټولو لوی دولت چې پېژندل شوی دی، د ځوانانو پر غاړه و او نن ورځ هم ځوانان د هغوی غوندې دي. ځوانان باید د دعوت لیکو ته تغیر وکړي، څو یو ځل بیا پر خپلو اوږو اسلامي دولت پر غاړه واخلي. هغه دولت چې الله سبحانه وتعالی یې ژمنه کړې ده. الله سبحانه وتعالی فرمایي:

﴿وَعَدَ اللَّهُ الَّذِينَ آمَنُوا مِنكُمْ وَعَمِلُوا الصَّالِحَاتِ لَيَسْتَخْلِفَنَّهُمْ فِي الْأَرْضِ كَمَا اسْتَخْلَفَ الَّذِينَ مِن قَبْلِهِمْ وَلَيُمَكِّنَنَّ لَهُمْ دِينَهُمُ الَّذِي ارْتَضَى لَهُمْ وَلَيُبَدِّلَنَّهُم مِّن بَعْدِ خَوْفِهِمْ أَمْناً يَعْبُدُونَنِي لَا يُشْرِكُونَ بِي شَيْئاً وَمَن كَفَرَ بَعْدَ ذَلِكَ فَأُولَئِكَ هُمُ الْفَاسِقُونَ﴾ [نور: 55]

ژباړه: الله سبحانه وتعالی له هغو کسانو سره چې ایمان یې راوړی او غوره کارونه یې ترسره کړي دي، ژمنه کړې او له شک پرته به هغوی پر دې خاوره ځای ناستې کړي؛ څنګه چې تر هغوی وړاندې وو. هغه دین چې هغوی ته یې خوښ کړی، هغه به پر ځای او محکم کړي. د هغوی ډار په ارامۍ او امنیت بدلوي. ځکه چې یوازې زما عبادت کوي او له ما سره به څوک شریک نه کړي او هغه کسان چې تر دې وروسته کافر شي، هغوی فاسقان دي.

او همدارنګه رسول الله صلی الله علیه وسلم هم زیری ورکړی دی:

«تَكُونُ النُّبُوَّةُ فِيكُمْ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ، فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ اللَّهُ أَنْ يَرْفَعَهَا، ثُمَّ تَكُونُ مُلْكًا عَاضًّا فَيَكُونُ مَا شَاءَ اللَّهُ أَنْ يَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ مُلْكًا جَبْرِيَّةً فَتَكُونُ مَا شَاءَ اللَّهُ أَنْ تَكُونَ، ثُمَّ يَرْفَعُهَا إِذَا شَاءَ أَنْ يَرْفَعَهَا، ثُمَّ تَكُونُ خِلَافَةٌ عَلَى مِنْهَاجِ النُّبُوَّةِ، ثُمَّ سَكَتَ»

لیکوال: حامد عبدالعزيز

ژباړه: بهیر «ویاړ»

د مطلب ادامه...

د بایډن کامیابي به امریکا له ماتې سره مخ کړي

خبر

جوبایډن له ډېر انتظار او د ټرمپ له تشویش سره سره د امریکا ولسمشر اعلان شو. ټرمپ چیغې وهلې، چې بایډن په ټاکنو کې درغلي کړې ده. کله چې لوړ پوړو جمهوري غوښتونکو په واک کې د ټرمپ له پاتې کېدو لاس واخیست، نو بایډن ژمنه ورسره وکړه، چې زه د هغو کسانو ولسمشر یم چې یووالي ته کار کوي، نه نفاق ته. ایا د بایډن دغه خبره او د امریکا د حالت د ښه کېدو پیغام، دوی په کڼو غوږونو واورېد؟

تبصره

بایډن به د خپلو پلویانو په کمپاینونو کې ویل؛ امریکا ته به پرمختګ ورکوو او د خپلو مخالفینو ګواښونه به د خپل دښمن په توګه له منځه وړو. دوی زموږ دښمنان نه دي، بلکې زموږ امریکایان دي نوموړي زیاته کړه: «اوس هغه وخت دی چې د امریکا په حالت کې ښه والی  راشي.» همدارنګه بایدن یوه ورځ ضمانت ورکړ، چې د ټولو خلکو د باور ترلاسه کولو لپاره به په پوره هڅو سره کار کوم، څو د ټولو خلکو باور لاسته راوړم. 

کله به چې د بایډن خبرې د ټرمپ پلویانو اورېدلې، نو فکر یې کاوه چې ټرمپ د امریکا لپاره خدمت نه شي کولی او د ټرمپ پر وړاندې به یې ناوړه ذهنیت پیداکاوه. کووید-۱۹، د تور پوستو په پرتله د سپین پوستو د لوړوالي د توافق لاسلیکول، د قانون ماتونې او داسې نورې ستونزې د دې لامل شوې، چې هغوی له ټرمپ څخه مخ واړوي. تقریبا ۵۰٪ جمهوري غوښتونکو په دغه قانون باور درلود، چې ټرمپ هسې یوه نمونه ده او ټول کارونه د ډېموکراتانو سیاسیونو له خوا مخته بیول کېږي.

خو په جمهوري غوښتونکو پسې د رایې ورکوونکو پوره ملاتړ په دې خاطر وو، چې د ډموکراتانو له خوا د لېبرالي ارزښتونو پر وړاندې باید پخواني مسیحي ارزښتونو ته پاملرنه وکړي. د امریکا په ټاکنو کې ۲۰٪ د انجیل پیروان برخه اخلي، چې ډېر مهم هم دي او د غربي هېوادونو په منځنیو برخو کې په حکومتونو کې مهم رول لري. څېړنو ښودل، چې سږ کال به ۷۵٪ د انجیل سپین پوستي پلویان ټرمپ ته رایه ورکوي، چې څلور کاله وړاندې په دغه نظر پوښتنه کې دغه شمېر ۸۱٪ وو. د انجیل لویو پلویانو له سترې محکمې سره د ټرمپ تازه تصویب د ځان لپاره یو لوی خطر بللو. د دوی تر منځ دغه اختلاف نوی نه دی، بلکې له ۱۹۸۰م، راپدېخوا د سیاسیونو له خوا ویل کېږي، چې دموکراتان او جمهوري غوښتونکي به په واشنګټن کې د ډېر وخت لپاره، یو له بل سره یو ځای کار ونه شي کړای. دا ځکه چې له  ناقصې ایډیالوژۍ سره خو سیاست هم له ماتې سره مخ کېږي.

د ټرمپ د ولسمشرۍ په دوره کې کووید-۱۹ د دوی تر منځ درز نور هم پراخه کړ، لکه څنګه چې اقتصادي نابرابري د امریکایي ټولنې هرې برخې ته ورسېدله. اقتصادي نابرابري یوازې په لېبرالي ایالتونو لکه کالیفورنیا او داسې نورو باندې په زور وروتپل شوه او دغو کارونو په ختیځو سیمو کې پوښتنې راپورته کړې، چې ایا د دوی مالیات او له فدرالي دولت سره همکاري به په راتلونکي کې جمهوري لرونکو هېوادونو ته جرات ورکړي، چې د لېبرالي ارزښتونو پروړاندې د محافظه کارانو د برترۍ لپاره ادعا وکړي؟

له دغو ستونزو سره دوی ته د دې منل سخت و، چې د بایډن په کامیابۍ کې به څنګه د امریکایانو ژوند ښه کړي. بایډن به هم د پخوا په څېر د لېبرال د پرمختګ لپاره هم په کور د ننه او بېرون کې کار وکړي او دا په دې معنا ده، چې دوی به د لېبرال او محافظه کارانو تر منځ ترهګریز جنجالونه راپورته کړي. کوم یو به وکولای شي چې د امریکا سیاست او ټولنه د دایم لپاره له منځه یوسي. په دې کې شک نشته، چې دا به د نړۍ په کچه د امریکا قوت له منځه یوسي او فرصت به برابر شي، چې کوم بل لوی قدرت د امریکا له دغې داخلي ماتې په خپله ګټه کار واخلي.

که دغه حالت دوام پیدا کړي، نو له امریکا څخه به د اسلامي خاورو ملاتړ کم شي او د هغوی لپاره چې د اسلامي خلافت لپاره کار کوي زمینه به ورته برابره شي، څو د اسلامي دولت د بیا تاسیس لپاره خپلو کارونو ته دوه برابره زور ورکړي. امریکایان تر اوسه د بایډن له کامیابۍ پرته هم ناکام دي او نړۍ د یوه اسلامي دولت ځلانده لمر ته سترګې په لاره ده.

د حزب التحریر مرکزي مطبوعاتي دفتر ته

لیکوال: عبدالمجید بهاتي

 

د مطلب ادامه...

که نن وي که سبا د اردوغان دوه مخیتوب به ووینو!

خبر

د ۲۰۲۰ د اکتوبر په ۱۹مه، ولسمشر اردوغان د ابن هالډون طبي پوهنتون د پرانیستغونډې پر مهال په خپلو خبرو کې وویل: «غربي نړۍ باید په بېلابېلو برخو کې زموږ له اساساتو پیروي وکړي. خو موږ برعکس خپل اساسات یا هېر کړي او یا مو هم ګټه نه ده ترې اخیستې. دغه راز موږ دوې سلیزې هڅې کوو، چې له دغو ستونزو ځانونه راوباسو. یا په بله معنا؛ موږ له فکري بحرانونو سره لاس او ګرېوان یو. دا فکري ازادي ده چې په دواړو هم په اقتصادي او هم په سیاسي ازادیو کې یې د درواغو موجودیت ثابتوي.»

تبصره

کله چې د ولسمشر اردوغان خبرې په اخبار کې خپرې شوې، فرانسې له دې مخکې رسول الله صلی الله علیه وسلم او اسلامي ارزښتونو ته سپکاوی کړی وو. دوی پرېکړه وکړه، چې په دولتي ودانیو به د هغه فرانسوي انځورونه لګوي، چې رسول الله صلی الله علیه وسلم ته یې سپکاوی کړی و. د ۲۰۲۰م، د اکتوبر په ۲۰مه ولسمشر اردوغان د میلاد النبي صلی الله علیه وسلم د پیدایښت د مراسمو هفتې په پیل کې، دوی ته په ځواب کې وویل: «زه په خپلو خلکو له دې ځایه غږ کوم، چې د فرانسې له خوا تولید شوي توکي مه اخلئ، مه د فرانسې تولیدات تاییدوئ او مه یې اخلئ.» همدارنګه اردوغان د اکتوبر په ۲۹ مه په انقره کې په خپلو خبرو کې وویل: «اې د اتاترک لویه قومه! موږ یو ځل بیا په دغه ځانګړې ورځ ستاسو په مخ کې درېږو، کومه ورځ چې موږ په ۹۷مه کالیزه باندې د خپل جمهوریت لپاره خوشحالي کوله، موږ په ټوله کې هڅې کوو چې خپل جمهوریت لاسته راوړو تاسو موږ ته دغه مسوولیت راسپارلی، څو دغه اهداف او خوبونه په حقیقت بدل کړو.

اوس ماته اجازه راکړئ چې د دغو دریو خبرو تر منځ تناقض  درته وښیم. ځکه ټول د اسلامي خاورو د چارواکو دوه مخي ویني او د ولسمشر اردوغان دوه مخي به هم په نیږدې راتلونکې کې په ډاګه شي او وبه یې وینو.

فرانسه (د کافر غرب او سیکولرېزم زانګو) اوسمهال د اسلام او مسلمانانو د سپکاوي او پرې د بې ځایه تور لګولو په میدان بدله شوې ده. رسول الله صلی الله علیه وسلم او اسلامي ارزښتونو ته سپکاوی د دوی ازادي ده، چې ډیموکراسۍ او سېکولارېزم دوی ته ورکړې ده. دوی وایي ډیموکراسۍ موږ ته حق راکړی چې اسلام، قران او رسول الله صلی الله علیه وسلم ته سپکاوی وکړو او له دغه کار څخه ملاتړ هم کوي. ولسمشر اردغان د عدالت او پرمختګ ګوند د مشر په حیث چې ۱۸کلونه په ترکیه کې حاکم او په قدرت کې دی، خو بیا هم  سل کاله کېږي، چې ډیموکراسي او سېکولرېزم یې منلي دي. کله چې وخت ورته برابر شي نو د ډیموکراتیکو او سېکولر ارزښتونو صفت او ستاینه هم کوي او همدارنګه نوموړي وویل: «موږ له فکري بحران(انحطاط) سره لاس او ګرېوان یو.» وروسته بیا د شارلي عبدو مجلې د اردوغان کارتونونه هم چاپ او خپاره کړل بیا نوموړي وویل: «هغه زه یم زه اړتیا نه لرم چې دغو شرمېدلو خلکو ته څه ووایم، چې دوی زموږ ګران پیغمبر صلی الله علیه وسلم ته سپکاوی کوي.» همدارنګه نوموړي مسلمانان منع کړل او د هغو لاریون کوونکو مخه یې هم ونیوله، چې غوښتل یې د فرانسې سفارت ته ځانونه ورسوي. نوموړي فرانسوي تولیدات منع کړل، خو د دې تر څنګ یې فرانسوي کمپنیو ته اجازه ورکړه، چې په ترکیه کې فعالیت وکړي. فرانسې یې خپل سفیر له ترکیې څخه راوغوښت، خو ترکیې وویل؛ دا په دې معنا نه ده چې زموږ سفیر دې هم بېرته هېواد ته راشي.

اردوغان وویل؛ موږ له فکري بحران (انحطاط) سره لاس او ګرېوان یو، خو نوموړی په دغه خبره کې رښتینی نه دی، ځکه که دی د زړه له تله دغه خبره کوي،  نو باید له دغه بحران څخه د وتلو لاره ولټوي.خو برعکس له دغو ټولو کړنو وروسته، د اکتوبر په ۲۹مه نوموړي هغو بتانو ته درناوی وکړ، چې رسول الله صلی الله علیه وسلم یو یو په مکه مکرمه کې مات او له منځه یووړل. دغه راز نوموړي یو ځل بیا د ډیموکراسۍ، سېکولرېزم او جمهوریت ستاینه کوله، تاسو دواړه مقدس ګڼئ هم سېکولرېزم او ډموکراسي او هم غواړئ چې له فکري انحطاط څخه ځانونه خلاص کړئ. خو خلاف خبره دا ده چې که چېرته تاسو ریښتیني یاست، نو تاسو خو د نړۍ په مختلفو برخو یعنې اسلامي خاورو ان غرب کې هم د مسلمانانو لاریونونه د فرانسې پر وړاندې لیدل باید دغه لاریونونه مو رهبري کړي وای. تاسو څه کړي دي؟ تاسو سمدلاسه په ازمیر کې له زلزلې وروسته د ماکرون د څو خبرو لپاره له هغوی څخه مننه وکړه او خواخوږي مو ورسره وکړه. دغه ټول موارد ښیي چې له رسول الله صلی الله علیه وسلم سره په مینه او د فکري انحطاط په اړه خبرو کې رښتیني نه یاست. ستاسو دغه ټولې څرګندونې د چوکۍ ساتلو او ټاکنو ګټلو لپاره دي. که نیږدې وي که وروسته، نو مسلمانان او اسلامي امت به ستا اصلي څېره وګوري. د تا تګلاره هم د کمال عبدالناصر او انور سادات په شان منحرفه ده.

د حزب التحریر مرکزي مطبوعاتي دفتر ته

لیکوال: مهموت

د حزب التحریر د ولایه ترکيې د مطبوعاتي دفتر مشر

 

د مطلب ادامه...

د چین له (ځانګړي اقتصادي زونونو) څخه درسونه

  • خپور شوی په سیاسي

د چین لومړي وزیر ژی ژینپینګ، د لومړي ځل لپاره د 2020م، د اکتوبر په 14مه په شینژین کې په یوه لوی کنفرانس کې، چې د چین د ځانګړي اقتصادي زون (SEZ) څلویښتمه کالیزه یې ولمانځله او دا د چین د اصلاحي ستراتیژۍ کليدي اړخ و. ژی ژینپینګ وویل: «موږ د یوه داسې بدلون تجربه کوو، چې په تېره یوه پیړۍ کې نه و پېښ شوی.»  ده دا خبرې د شینژین په جنوبي ښار کې چې په ۱۹۸۰م، کې لومړی د چین د ځانګړي اقتصادي زونSEZ) ( په جوړې شوې غونډه کې وکړې.

کله چې ډینګ ژیاپینګ په ۱۹۷۸م، کې د چین لوی رهبر شو، نو هغه یو داسې اقتصاد درلود، چې له بې شمېره ستونزو سره لاس او ګریوان و. په ۱۹۵۰م کې د دې هېواد وضیعت ډېر ټیټ و چې ټکنالوژیکي پرمختګ یې نه درلود او په لویو او قوي صنعتونو یې تکیه کړې وه. د مصرفي مالونو تولید لږ وو او اصلي او بنیادي جنسونه لکه بایسکیلونه، جامې او برقي وسایل پکې سهم بندي شوي وو. چین یو غریب هېواد و، لږ پانګه او ډېر بشري ځواک یې درلود. ټول صنعت یې د دولت په لاس کې و.

 د دولتي اقتصادي تشکیلاتو(SOEs)State-Owned Enterprises) د کیفیت د لوړولو لپاره یې هېڅ انګیزه نه درلودله. د چین د پرمختګ لپاره لومړنۍ هڅه تر کمیونیزم لاندې یو فاجعه وه، په ۱۹۷۶م کال کې د Mao Zedong  په مړینې سره کمونیستانو درک کړه، چې باید خپله کړنلاره بدله کړي.

یېجینګ په ۱۹۸۰م، کې د ګوانګډانګ او فجیان ولایتونو په ساحلي سیمو کې، لومړنی ځانګړی اقتصادي زون (SEZ) جوړ کړ، تر څو د ارزانه تولید لپاره د بهرنۍ پانګې د جلبولو په خاطر ارزانه ځمکه، کارګر، مختلفې مالیې او نورې انګیزه ورکوونکې هڅې وکړې. په سویلي ښارونو کې موفقیتونو بېجینګ ته اجازه ورکړه ، څو اقتصادي اصلاحات نور هم پراخه کړي. لومړی د یانګتاز د سیند د دلتا (ِYangtze River Delta) په سیمه کې او بیا د یلو او بوهای د سیندونو په امتداد ښارونو کې. له وروستیو ۳۰ کلونو څخه د زیات وخت لپاره دغې ساحلي سیمو د بېجینګ او نورو بهرنیو هېوادونو تر منځ د نښلوونکي عامل په توګه کار وکړ. دغه ساحلي زونونه به بالاخره د هغه ضروري پانګې، د تولید سبب شي چې د چین د دې ممکنه داخلي فقر د پرمختګ لپاره اړینه ده. په دې سره دوی خپل ټولنیز ثبات ډاډمن کړ او د کمونیست ګوند قدرت یې نور هم ټینګ کړ.

په ۱۹۹۳م کې ځانګړي اقتصادي زونونه ډېر کامیاب وو، چی ۲زره دانې نور هم معرفي شول. دغه ځانګړي اقتصادي زونونه د چین لپاره د لاسته راوړنې نوې منبع شوه او بهرنۍ پانګونې او ټکنالوژۍ ته یی اجازه ورکړه، چې دغه هېواد ته ورشي. دا د چین لپاره یوه مثبته پایله وه، چې د هغوی اقتصاد یې صادراتي محوره او چین یې د نړۍ په یوه کارځای بدل کړ. د ۱۹۹۰م په پیل کې د چین تجارت، پانګونې اصلاحاتو او هڅونې د بهرنۍ مستقیمې پانګونې (FDI) د زیاتوالي لامل شو، چې اوسمهال دا بهرنۍ مستقیمه پانګونه (FDI) دغه هېواد ته د اقتصادي فعالیتونو او دندو پیدا کولو لپاره ښه زمینه مساعده کړې ده. همدارنګه د بهرنۍ تخنیکي او مدیریتي پوهې د راتګ لامل شوه. له همدې امله په چین کې تر نن ورځې ټولې خارجي کمپنۍ مجبوره دي، څو خپله تخنیکي پوهه وکاروي. په ۲۰۱۰م، کې د امریکاـ چین د اقتصادي او امنیتي نظارت کمسیون د امریکا کانګریس ته د چین د هوایي صنعت د پرمختګ د ستراتیژۍ په اړه وویل: «د بېجینګ ستراتیژي او د حکومت قوي مالي او سیاسي ملاتړ د چین لپاره د هوایي چلند د جوړونې صنعت او بهرنیو کمپنیو ته اړتیا د تکنالوژۍ برابرول او د هغې ځای پرځای کول تر څو مارکېټ لاس ته راوړي»

چین خارجي کمپنیو ته په ځای ورکولو سره وتوانید، چې پرمختګ وکړي. دغو کمپنیو کولی شوای، چې د چین له کارمندانو څخه کار واخلي، څو د نړۍ له هر ځای څخه په ارزانه بیه شیان تولید کړي. اوسمهال آیفون، لپټاپ کمپیوټر او همدارنګه نور برقي وسایل، ټول چینایي دي.

کله چې دغه اقتصادي طرحه کامیابه شو، نو له ځان سره یې ډېرې نورې ستونزې هم راپیداکړې. چین د بهرنیو ملتونو په وارداتو پورې تړلی، چې دوی خپل ارزانه مالونه ورواردوي. که چېرې په غرب کې اقتصادي بحران پیل شي، لکه د ۲۰۰۸م ، نو په دې سره چین هم اغیزمن کېږي. چین د نورې نړۍ په انرژي او جنسونو پورې تړلی، څو دا شیان تولید کړي. چین د دغه صنعت د فعال ساتلو په خاطر ټولې هوایي او بحري لارې ککړې کړې دي. چین له امریکا څخه ډېر په نړیوال اقتصاد پورې تړلی، چی زیاتره یې په داخلي مصرف متکي دی. له همدې امله په سوداګریزه جګړه کې چین له امریکا څخه ډېر اغېزمن شوی، که څه هم له نړیوال اقتصاد سره ډېر نیږدې دی.

د چین لویه ناکامي داده چې کله په نړیوال اقتصاد کې، اکثریت خلک پر دوی خپل باور له لاسه ورکړي، نو دوی کوم بل بدیل نه ورته لري. لکه، نړیواله نابرابري، په ډیموکراسۍ باور نه لرل او داسې نور. چین هېڅ شی نه لري، نه یې هېواد او نه یې هم اقتصاد، چې کومه ایډیولوژي خپله کړي. چین نړیوال اقتصاد منلی، خو د ایډیولوژیکي موخو لپاره نه، بلکې دوی غواړي چې پرمختګ وکړي، نه به د دوی دا یو بلیوني نفوس د کمونیستانو پر ضد انقلاب او سرکشي وکړي. ځکه خو چین له عیني اقتصادي ستونزو، چې غرب یې لري، ځوریږي دغه راز د دغو ستونزو د حل لپاره هېڅ ډول بدیل هم نه لري.

مائو له دویمې نړیوالې جګړې وروسته پوه شو، چې له خپلواک کېدو او د هغو خارجي کسانو، چې یوه پېړۍ یې چین اشغال کړی، له ایستلو پرته نه شي بریالی کېدای. خو ولې مائو او د هغه پلویانو درک نه شوای کړای، چې دوی دې د غرب فرهنګ قبول کړي او دغه عمل چې اوسمهال دوی چین پرې کنټرولوي، پریږدي او یوه بله ایډیولوژي خپله کړي. نه یوازې دا چې کامیاب به شي، بلکې دوی به پرته له تجارتي معاملې څخه یو شی لرلی چې نړۍ ته یې وړاندې کړي.

د حزب التحریر مرکزي مطبوعاتي دفتر ته

لیکوال: ادنان خان

 

د مطلب ادامه...

د جمهور رییس لومړي مرستیال د عامه افکارو د انحراف او د خلکو له پوښتنو څخه د تېښتې لپاره ناحقه تورونو ته پنا وړې ده Featured

د ولسمشرۍ لومړي مرستیال امر الله صالح د روان کال د لړم په ۲۴مه د شپږنیمو بجو د ناستې په راپور کې په خپلو ټولنیزو پاڼو کې پر کابل پوهنتون د برید د طرحه کوونکي د نیولو خبر ورکړ او ویې ویل: «لکه څنګه مو چې ویلي وو، داعش نوم دی. هغوی چې دا کار یې کړی دی، څو هویتي دي، حزب‌التحریر-طالب- داعش او ټول». نوموړی زیاتوي: «هر وخت چې اړتیا وه، له یوه ځانګړي نامه او لقب څخه یې کار اخیستی دی».

د حزب‌التحریر ولایه ـ افغانستان مطبوعاتي دفتر د ولسمشرۍ ریاست د لومړي مرستیال نامسولانه څرګندونې په خورا سختو ټکو غندي او په ټينګار سره بیانوي چې حزب‌‌التحریر نه یوازې په افغانستان، بلکې په ټول اسلامي امت کې، تل له هر ډول هغه ترور او وحشت څخه برائت اعلان کړی، چې استخباراتي بنسټونه، کرايي قاتلین او د کفارو اجیران یې ترسره کوي.

حزب‌التحریر په اسلامي نړۍ کې د یوه ستر فکري او سیاسي حزب په توګه په افغانستان کې روان وضعیت له نږدې څاري او هغه تروریستي بریدونه چې په وروستیو کې پر سیاسي تحلیلګرانو، د جوماتونو پر امامانو، قومي متنفذینو، تعلیمي او تحصیلي بنسټونو او خبریالانو ترسره شوي دي، د هغو استخباراتي بنسټونو او کرايي قاتلینو کار بولي، چې د افغانستان په روانه جګړه کې ستره ونډه لري او اوس د سولې په پروسه کې خپله سیاسي بقا په خطر کې ویني. نو د نړیوالو په ځانګړې توګه د خپل بادار امریکا چې رهبري یې د بدلون په حال کې ده، د پاملرنې د جلبولو لپاره په مختلفو نومونو دا ډول وحشانه بریدونه ترسره کوي؛ ترڅو امریکا او ناټو د خپلو ځواکونو له ایستلو څخه منصرف کړي، د لوبې شرایط په خپله ګټه بدل کړي او د سولې په کېک کې یې زیاته برخه په نصیب شي. 

د کابل پوهنتون پېښه یوه مرموزه استخباراتي، زړه‌ بوږنوونکې او ناانساني پېښه وه او د افغانستان د ولسمشرۍ ریاست لومړي مرستیال د خلکو له پوښتنو څخه د تېښتې او عامه افکارو د انحراف لپاره له ناچارۍ او ستومانۍ دا ډول تور لګولو ته پنا وړې او حتی غواړي د بدنامۍ دا تور داغ او د نظام جرم یوه محصل ته منسوب کړي او د طالب او داعش تر څنګ یې د حزب‌التحریر نوم هم یاد کړی دی.

په داسې حال کې چې حزب‌التحریر په ټوله نړۍ کې د رسول الله صلی الله علیه وسلم د طریقې پر اساس د ټولنې د تغیر او د اسلامي دولت (راشده خلافت) د تاسیس لپاره فکري او سیاسي مبارزه کوي، هېڅکله یې پر مادي او نظامي کړنو لاس نه دی پورې کړی او په افغانستان کې د حزب‌التحریر د یوې نیمې لسیزې فعالیت په اوږدو کې ډېری سیاسي رهبران، قومي متنفذین او د افغانستان مسلمان خلک له نږدې د دغه واقعیت شاهدان هم دي.   

د حزب‌التحریر - ولایه افغانستان مطبوعاتي دفتر

د مطلب ادامه...

د حزب التحریر ـ ولایه سوریه له خوا د کمپاین پیلول، نه د سیاسي حل لارې په جنایت، بلکې د نظام نسکورېدو او د خلافت د تاسیس لپاره!

  • خپور شوی په سیاسي

(ژباړه)

د تېرو نهو کلونو پر مهال د امریکا په رهبرۍ غربي کافرانو نه یوازې د شام د انقلاب او خلکو پر وړاندې د سیاسي دسیسو پر جوړېدو بسنه ونه کړه او په دغه وخت کې یې په ټول وس هڅه وکړه، له بېلابېلو کړنلارو یې ګټه واخیسته چې د شام پر خلکو برید وکړي او هغوی د سیاسي حل لارې په نوم د یو څه قرباني کړي. یاده حل لاره چې د کافر غرب له خوا د شام استعمار ته په ټولو سیاسي، اقتصادي او حتا فرهنګي برخو کې مشروعیت ورکوي، د هغوی د جنبشونو د له مځه وړلو او د سیکولر نظام د رامنځته کولو په مانا ده؛ چې اسلام د خلکو له ژوند بېل کړي او د هغو ټولو قربانیو د له منځه تلو لامل کېږي چې د شام خلکو ورکړې دي. همدارنګه هغه څه ته پام نه کېږي چې د شام خلک د څه په لټه کې دي. په داسې حال کې چې هغوی له ټولو بنسټونو سره د جنایت کوونکي رژیم له نسکورولو او پر ځای یې د اسلامي حاکمیت د تاسیس غوښتنه کوي.

 غربیان پر دې پوهېږي چې د مسلمانانو قوت په سیاسي نظام کې نغښتی دی، چې هغه نظام د هغوی له عقیدې سرچینه اخلي. غرب ښه درک کړې چې د نبوت پر تګلاره د خلافت دولت تاسیس چې رسول الله صلی الله علیه وسلم یې تر سقوط وروسته د بیا راګرځېدو زېری ورکړی، هغوی جدي ګواښ بلل کېږي. هغوی ښه پوهېږي چې اسلامي خلافت به نه یوازې له شام څخه، بلکې له ټولو اسلامي خارو به د کافرانو د نفوذ ریښې له منځه یوسي. حتا اسلامي دولت به کافران پخپلو خارو کې تر نظر لاندې وساتي او اسلام به د یو رحمت او لارښوونې د پیغام په توګه ټول بشریت ته ورسوي..

پوښتنه دا ده چې ولې بې اېمانه غربیان له خپلو دستګاوو سره د شام د انقلاب پر وړاندې مبارزه کوي؟ دا هغه کسان دي چې د اسلامي خلافت او د مسلمانانو د وحدت له منځه وړلو لپاره یې په پېړیو، پېړیو پرلپسې هڅې وکړې. خلافت د اسلام او مسلمانانو نه ماتېدونکی سنګر و او له همدې امله کافر غرب پخپلو ډېری کنفرانسونو کې د یو سېکولریستي او وطنپال دولت د رامنځته کېدو په برخه کې خپله اندېښنه ښودلې، څو په دې سره له دولت او ټولنې څخه د اسلام د بېلېدو په برخه کې ډاډ تر لاسه کړي او خپل جنایت کوونکی رژیم وساتي.

غربي کافرانو د سېکولر قانون رامنځته کېدو لپاره یوه کمېټه په پام کې نیولې چې غړي یې په بشپړه توګه خپله ټاکلي، چې د خپلې خوښې قانون په برخه کې ډاډ تر لاسه کړي. هغه څه چې د غرب لپاره لومړیتوب لري، د خپلو ګټو ساتنه، خپلو موخو ته رسېدل او خپل ځان ته اطلاعت دی. دا هغه څه دي چې د کافرانو د خوښۍ او د الله سبحانه وتعالی د غوسې لامل کېږي او تر دې لوی جنایت نشته. الله سبحانه وتعالی فرمایي:

﴿ وَلَن تَرْضَىٰ عَنكَ الْيَهُودُ وَلَا النَّصَارَىٰ حَتَّىٰ تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَىٰ وَلَئِنِ اتَّبَعْتَ أَهْوَاءَهُم بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِن وَلِيٍّ وَلَا نَصِيرٍ﴾ [بقره:١٢٠]

ژباړه: هېڅ وخت به یهود او نصاري له تاسو څخه راضي نه شي، (تر څو د هغوی غوښتنو ته په بشپړه توګه تسلیم شئ) او د هغوی له تحریف شوي دین څخه پیروي وکړئ. هدایت یوازې الهي هدایت دی. که د هغوی د هوسونو  پیروي وکړئ، وروسته تر دې چې پوه شوي یاست، د الله سبحانه وتعالی له لوري به هېڅ سرپرست نه وي.

له همدې امله موږ د حزب التحریر ـ ولایه سوریې تر لاندې سرلیک لاندې کمپاین پیلوو:

«نه د سیاسي حل لارې په جنایت! بلکې د رژیم د له منځه وړلو او د اسلامي خلافت د تاسیس لپاره»

د یاد کمپاین په پیلېدو سره زموږ هڅه دا ده چې له روانو جنایتونو پرده پورته کړو او ټولو ته یې هدف ښکاره کړو. خپلو وروڼو، خویندو او خلکو ته ګواښ کوو چې یادې سیاسي حل لارې ته سرټیټ نه کړي او چوپتیا غوره نه کړي.

له ټولو وروڼو او مخلصو  او اېمان لرونکو خلکو غوښتنه کوو چې د شام قربانۍ د نړیوالو دسیسو له امله له لاسه ورنه کړئ او کوښښ وکړئ چې د هغو پر وړاندې ودرېږئ. پرې نه ږدئ چې یاده حل لاره د شام اوسېدونکي د غلامۍ، بې عدالتۍ، ظلم او استبداد تر بیرغ لاندې وساتي. نو پر همدغه اساس، تاسو فکر وکړئ، کله چې غرب کافر د امریکا په رهبرۍ د اسلام او مسلمانانو پر وړاندې د جګړې بیرغ پورته کوي، نو د دې حل لارې پایله به څه وي؟! الله سبحانه وتعالی فرمایي:

﴿مَا يَوَدُّ الَّذِينَ كَفَرُوا مِنْ أَهْلِ الْكِتَابِ وَلَا الْمُشْرِكِينَ أَنْ يُنَزَّلَ عَلَيْكُمْ مِنْ خَيْرٍ مِنْ رَبِّكُمْ  وَاللَّهُ يَخْتَصُّ بِرَحْمَتِهِ مَنْ يَشَاءُ  وَاللَّهُ ذُو الْفَضْلِ الْعَظِيمِ﴾ [بقره: 105]

ژباړه: هېڅ وخت کافران او مشرکین دا نه غواړي چې پر مسلمانانو د الله سبحانه وتعالی له لوري خیر نازل شي، خو الله سبحانه وتعالی هر هغه څوک چې وغواړي، خپل فضل او رحمت ور په برخه کوي او الله سبحانه وتعالی د ستر فضل څښتن دی.

ژباړه: بهیر «ویاړ»

 

د مطلب ادامه...

د سوډان واکمنان رسول الله صلی الله علیه وسلم ته د سپکاوي کوونکو د غندلو پر ځای، د مسلمانانو غبرګون غندي!

  • خپور شوی په سوډان

د سوډان د بهرنیو چارو وزارت، د فرانسې په نیس ښار کې هغه پېښه په کلکو ټکو غندي چې دری کسان پکې وژل شوي وو. د دوی له کورنیو سره خواخوږی څرګندوي او وایي: «د ترهګریزو بریدونو او په ټولو هېوادونو کې د ترهګرۍ پر وړاندې، د نړۍ یووالي ته اړتیا ده. دغه راز له ترهګرۍ سره په مبارزه، په ټولنه کې د سولې راوستلو او پر ازادۍ باندې ټینګار شوی دی.» سرچینه:(سوډان ټریبیون)

دا د بې عدالتۍ پالیسي ده چې موږ یې له واکمنانو سره عادي کړي یو، موږ د ظلمونو پر مهال د دوی له کمزورو دریځونو پرته بل هېڅ شی نه دي لیدلي. استعماري کفار د خپل امت د سر په بیه خوشاله کوي. د دوی په منځ کې لومړی باید د رسول الله صلی الله علیه وسلم پر وړاندې سپکاوی او خندا کول، همدا راز په فرانسه کې د نژاد پرستۍ له مخې د مسلمانانو وژنه او د هغوی سپکاوی جنایت بلل شوی وای. د فرانسوي واکمنانو له لوري د مسلمانانو پر وړاندې محدودیتونه، جبري یووالی د پالیسیو منلو لپاره دی، تر څو دوی اړ کړي چې خپل ارزښتونه پرېږدي او  سیکولریزم ته غېږ پرانېزي. دوی باید مخکې له دې چې د مسلمانانو عکس العمل وغندي باید د رسول الله صلی الله علیه وسلم پر وړاندې سپکاوی یې غندلی وای.

پېښو ثابته کړه چې په نړۍ کې مسلمان واکمنان له امت سره ورته والی نه لري، چې د خپل دین او رسول الله صلی الله علیه وسلم د سپکاوي پر وړاندې یې پاڅون وکړ. هغه واکمنان چې د اسلام دښمنانو ته منافقت کوي. دوی یې غولوي او خپل بادار ته سپکاوی کوي، خپل پلانونه پرې پلي کوي او د مسلمانانو د عزت او حرمت له غصب کوونکو سره اړیکې عادي کوي، چې همدا کار یې له اسلامي امت سره مخالفت دی، د امت او د کفارو د مزدورانو تر منځ همدا توپیر، الله سبحانه وتعالی ته د نږدېوالي ثبوت دی. الله سبحانه وتعالی فرمايي چې د هغه سبحانه وتعالی نصرت تر هغه پورې نه راځې، تر څو یې چې صفونه په لاندې دوو برخو ونه وېشل شي؛ د کافرانو، جنایتکارو او بد اخلاقو ډله. برعکس د مخلصو مومنانو ډله چې د اسلام پر اساس د بدلون لپاره کار کوي. الله سبحانه وتعالی د خلکو بریا په خپل دین کې ګڼي او بریا یې هغوی ته رحمت ګرځوي. الله سبحانه وتعالی فرمايي:

﴿مَّا كَانَ اللَّهُ لِيَذَرَ الْمُؤْمِنِينَ عَلَى مَآ أَنتُمْ عَلَيْهِ حَتَّىَ يَمِيزَ الْخَبِيثَ مِنَ الطَّيِّبِ﴾ [عمران: ۱۷۹]

ژباړه: الله سبحانه وتعالی به مومنان په دې حالت کې هېڅکله پرېنږدي، چې تاسو اوس پکې یاست؛ هغه به سپېڅلي خلک له ناپاکو خلکو بېل کړي.

موږ حزب التحریرـ ولایه سوډان له امت څخه غواړو، چې له موږ سره یو ځای کار وکړئ، تر څو د دښمنانو له لوري رامنځ ته شوي رژیمونه بدل کړو؛ د اسلام او مسلمانانو د دولت د تاسیس لپاره ـ چې د رسول الله صلی الله عیله وسلم په منهج  راشده خلافت دی ـ کار وکړئ،  ځکه چې همدا عظمت ته د رسېدلو یوازینۍ لاره ده. دا د الله سبحانه وتعالی ژمنه او د رسول الله صلی الله علیه وسلم زیری دی.

ابراهیم عثمان (ابو خلیل)

د حزب التحریرـ ولایه سوډان مطبوعاتی دفتر

 

د مطلب ادامه...

د حسینې رژیم به په خپلې بې طرفۍ سره، د کافرې اشغالګرې (فرانسې) دریځ غوره کړي

خبر

د بنګله دېش په بهرنیو چارو وزارت کې یوې سرچینې وویل؛ چې د بنګله دېش رژیم به د هغو ستونزو په اړه چې فرانسه ورسره مخ ده، بې طرفه پاتې شي. د فرانسې د ولسمشر له خوا د اسلام  دین په اړه بحث، به د دولت له خوا محکوم نه شي او د فرانسې ضد لاریونونه به هم کنټرول کړي. د چهار شنبې په ورځ د بهرنیو چارو وزارت چارواکو وویل:  «د فرانسې د سفارت امنیت به ـد دې لپاره چې فرانسه د ډاکې لپاره یو بین المللي مکتب او دوست هېواد دی ـلا ټینګ کړي او په بنګله دېش کې به د فرانسوي اوسېدونکو امنیت ته هم پاملرنه زیاته کړي.» منبع: (Bangla Tribune, Wednesday, October 28, 2020)

دا په داسې حال کې ده، چې د ډاکې پولیسو وویل: «په بنګله دېش کې د فرانسې پر ضد چې زموږ د ګران پیغمبر صلی الله علیه وسلم کارتونونه یې خپاره کړي وو، لاریونونه روان دي. تر اوسه له ۵۰زرو څخه زیاتو خلکو د بنګله دېش په مرکز کې د فرانسې ضد لاریونونو کې برخه اخیستې ده، دا ځکه چې امانول ماکرون په عام ډول د ګران پیغمبرصلی الله علیه وسلم د کارتون خپرولو ته اجازه ورکړه. لاریون کوونکي غواړي چې په ډاکه کې د فرانسې سفارت ته ځانونه ورسوي.» منبع: (Al Jazeera, November 2, 2020).

د حسینې دغه بې مانا او بې ارزښته (الرویبضه) رژیم نه شي کولای د فرانسې د ولسمشر دغه ناروا کارـ چې زموږ ګران پیغمبر صلی الله علیه وسلم او اسلام ته یې سپکاوی کړی او ټول اسلامي امت یې پروړاندې راپورته شوی ـ  پټ کړي. د لاریونونو له پیل څخه تر اوسه پورې حسینه صاحبه د ماکرون په دغو نفرت لرونکو خبرو باندې چپ پاتې ده. بالاخره حسینې مسلمانانو ته اجازه ورکړه تر څو خپله پاکه او مقدسه عقیده ورته ښکاره کړي. نوموړې نه شو کولای چې په اسلامي خاوروکې د فرانسې د ولسمشر له خبرو څخه دفاع وکړي، ځکه نوموړي په ښکاره سره اسلام او مسلمانانو ته سپکاوی کړی و. د دې پر اساس ماکرون غوښتل چې راتلونکي انتخابات له اسلام او مسلمانانو سره په نفرت ښکاره کولو سره وګټي، همدارنګه حسینې هم غوښتل چې د فرانسې د ولسمشر ماکرون له خوا د اسلام ضد خبرو پر وړاندې چپ پاتې کېدلو سره په واک کې پاتې شي، خو الله سبحانه وتعالی په قران کریم کې فرمایلي دي:

﴿لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ﴾[المجادله: ۱۲]

ژباړه: هېڅ داسې قوم به تاسې ونه وینئ چې په ریښتیا، پر الله سبحانه وتعالی باندې اېمان او باور ولري، خو بیا هم له کفارو سره دوستي وکړي.

حسینه کولای شي چې د پاکستان سفیر د نوموړې پلار ته د سپکاوي له امله احضار کړي او د یوه پروفیسور قرارداد د دې له امله فسخ کړي، چې نوموړې ته یې بې احترامي کړې وه. خو د دې حوصله بیا نه لري چې د هغو لاریون کوونکو له خولې یوه خبره هم واوري؛ چې رسول الله صلی الله علیه وسلم ته د کفارو له خوا د سپکاوي پروړاندې  یې کوي. که څه هم رسول الله صلی الله علیه وسلم په ښکاره ډول فرمایلي دي:

«لَا يُؤْمِنُ أَحَدُكُمْ حَتَّى أَكُونَ أَحَبَّ إِلَيْهِ مِنْ وَلَدِهِ وَوَالِدِهِ وَالنَّاسِ أَجْمَعِينَ» (رواه مسلم)

ژباړه: له تاسو څخه به یو هم تر هغه وخت مومن نه شي، چې خپل پيغمبر له خپل ځان، اولاد، مور او پلار او نورو خلکو څخه ورته ګران نه وي.

د حسینې محترمې په چپ پاتې کېدو او له مسلمانانو په نه ملاتړ سره، د یادې محترمې رژیم په ښکاره د اسلام، مسلمانانو او رسول الله صلی الله علیه وسلم پر وړاندې  دښمني اعلان کړه. اوس به دا یوازې زموږ د مټو زور او له رسول الله صلی الله علیه وسلم سره ریښتینې مینه وي، چې د رسول الله صلی الله علیه وسلم په طریقه د خلافت بیا تاسیس لپاره هڅې وکړو. دغه راز د خلافت په بیا تاسیس سره به رسول الله صلی الله علیه وسلم ته سپکاوی د تل لپاره ودرول شي.

د حزب التحریر مرکزي مطبوعاتي دفتر ته

لیکوال: عمادالامین

د حزب التحریر ولایه ـ بنګله دېش مطبوعاتي دفتر غړی

 

د مطلب ادامه...
Subscribe to this RSS feed

اسلامي خاورې

اسلامي خاورې

غربي هېوادونه

ټول لینکونه

د پاڼې برخې